बैंक अफ काठमाण्डूको कर्मचारी संघद्वारा आविष्कार केन्द्रलाई सहयोग

बैंक अफ काठमाण्डूको कर्मचारी संघद्वारा आविष्कार केन्द्रलाई सहयोग

काठमाडौं, साउन २०
बैंक अफ काठमाण्डू लिमिटेडको कर्मचारी संघद्वारा राष्ट्रिय आविष्कार केन्द्रलाई दुई लाख ५१ हजार रुपैयाँ सहयोग हस्तान्तरण गरेको छ । विश्वव्यापी महामारीको रूपमा फैलिरहेको कोरोना भाइरसको प्रकोपबाट सिर्जना भएको कठिन परिस्थितिमा सीमित स्रोत साधनका बीच संक्रमण नियन्त्रणको प्रयासका लागि अग्रस्थानमा रही नेपालभित्र नै व्यक्तिगत सुरक्षात्मक उपकरण उत्पादन गर्दै आइरहेको राष्ट्रिय आविष्कार केन्द्रलाई बैंकको कर्मचारी संघद्वारा वित्तीय सहयोग हस्तान्तरण गरेको हो । आविष्कारको क्षेत्रमा ठूलो योगदान गर्दै विभिन्न सामाजिक कार्यमा तल्लीन रहेएका डा. महाविर पुनले राष्ट्रिय आविष्कार केन्द्रको नेत्तृव गर्दै आएको छ ।

बैंकको कर्मचारी संघका अध्यक्ष अरुण श्रेष्ठद्वारा केन्द्रका अध्यक्ष डा.महाविर पुनलाई एक समारोहको बीच उक्त सहयोग हस्तान्तरण गरेका हुुन् । केन्द्रद्वारा उत्पादन गर्दै आइरहेको व्यक्तिगत सुरक्षात्मक उपकरणको उत्पादनमा सहयोग पुग्ने विश्वास स्वरूप उक्त सहयोग रकम हस्तान्तरण गरीएको र अन्य बैंक तथा वित्तिय संस्थाहरूलाई सहयोग गर्न उत्साहित गर्ने विश्वास लिएको बैंकको कर्मचारी संघको प्रमुख श्रेष्ठले जानकारी दिए । बैंकको कर्मचारी संघले विभिन्न सामाजिक उत्तरदायित्व बहन गर्दै सामाजिक कार्यमा बैंकसँगै अग्र स्थानमा रही सेवा गरिरहेकोे छ । (आर्थिक दैनिकबाट)

प्रतिकृया दिनुहोस


Techie